അവർ പറഞ്ഞതിനാൽ

മഞ്ചാടി മരങ്ങളാണ്‌ ചുവപ്പെന്ന് പറഞ്ഞത്‌

മഴ പറഞ്ഞു മഴവില്ല്..

പന്തലിട്ട നീലക്കോളാമ്പികൾ പറഞ്ഞു

ആകാശം, കാറ്റു പറഞ്ഞു കണിക്കൊന്ന

കണിക്കൊന്ന പറഞ്ഞു സ്വപ്നം

സ്വപ്നം പറഞ്ഞു ചുംബനം

അവർ പറഞ്ഞതിനാൽ...

നമ്മൾ സ്വപ്നം കാണുന്നു..

ചുംബനം

കാറ്റിനോടാണ് പറയേണ്ടത്
കാവൽ നിൽക്കാനല്ല
കണ്ണടയ്ക്കാൻ...

ദൂരം

സന്ധ്യ നമ്മോട് പറഞ്ഞു, ഇരവിന്റെ
നക്ഷത്രദൂരങ്ങളാണസഹ്യം....