എനിക്കൊരു കവിത എഴുതണമെന്നു
തോന്നുന്നു....
വില്ലു പോലെ വളഞ്ഞ നിന്റെ
പുരികങ്ങളെക്കുറിച്ച്..
എനിക്കൊരു കവിത എഴുതണമെന്നു
തോന്നുന്നു....
നരകത്തിനും, സ്വർഗത്തിനും അതിരിടുന്ന
ഈ മിഴികളെക്കുറിച്ച്...
എനിക്കൊരു കവിത എഴുതണമെന്നു
തോന്നുന്നു....
ഏകാന്തമായ ഈ ഭൂമിയിൽ നിന്ന്
നക്ഷത്രങ്ങളിലേക്ക് തുറന്നിട്ട
ആകാശത്തെക്കുറിച്ച്..
എനിക്കൊരു കവിത എഴുതണമെന്നു
തോന്നുന്നു....
നിന്നെക്കുറിച്ച് മനസ്സിൽക്കുറിച്ച
കവിതകളെക്കുറിച്ച്..
എനിക്കൊരു കവിത എഴുതണമെന്നു
തോന്നുന്നു....
എന്റെ പ്രണയത്തെക്കുറിച്ച്...
എനിക്ക് എന്റെ കവിതയിലൂടെ
പറയുവാൻ തോന്നുന്നു,
ഒരിക്കലും എഴുതപ്പെടാൻ പോകാത്ത
എന്റെ കവിതകളെയും, കാൽ-
പാടുകളെയും കുറിച്ച്..
No comments:
Post a Comment