എങ്കിലും ഞാനൊറ്റയാകുന്നില്ല..

ആകാശത്തിൽ ദൂരങ്ങളുടെ അതിരടയാള
മിട്ടീ നക്ഷത്രങ്ങളുണ്ടെങ്കിലും
ഇരുളിനെ നനയ്ക്കാൻ മടിച്ചീ
വെളിച്ചം ഉറഞ്ഞു നിൽക്കുന്നെങ്കിലും
പ്രകൃതിയുടെ മൗനത്തിൽ നിന്നെന്നെ
ചീവീടൊച്ചകൾ മുറിച്ചു മാറ്റുന്നുവെങ്കിലും
എങ്കിലും.... ഞാനൊറ്റയാകുന്നില്ല..
എങ്കിലും ഞാനൊറ്റയാകുന്നില്ല..
വീണു പോകാതിരിക്കാനായെന്റെ കാലിൽ
തൂങ്ങി ഭൂമി നിൽക്കുമ്പോൾ,
പറന്നു പോകാതിരിക്കാനെന്റെ
തോളിൽ പിടിച്ചീ കാറ്റു
നിൽക്കുമ്പോൾ
അകലെയാകാതിരിക്കാൻ എന്റെ
ഹൃദയത്തിലിരുന്നു നീ മിടിക്കുമ്പോൾ
ഞാനൊറ്റയാകുന്നതെങ്ങനെ....??