ഒന്നും നീ ആഗ്രഹിച്ചതായിരുന്നില്ല
ഞാൻ അടിച്ചേൽപ്പിച്ചതായിരുന്നു..
ആകാശത്തിലെ നക്ഷത്രങ്ങളും
തൊടിയിൽ പാറി നടന്ന ശലഭങ്ങളും
ആരുമറിയാതെ നീ സൂക്ഷിച്ചു വെച്ച
ചെമ്പകപ്പൂവിന്റെ ഇതളുകളും..
ഒന്നും നീ ആഗ്രഹിച്ചതായിരുന്നില്ല..
ഞാൻ അടിച്ചേൽപ്പിച്ചതായിരുന്നു,
എന്നെയും, എന്നെ സ്നേഹിച്ച നിന്നെയും..
ഒന്നും നീ ആഗ്രഹിച്ചതായിരുന്നില്ല,
ഈ മറവിയും, നിന്നെ മറക്കാത്ത എന്നെയും
എല്ലാം അടിച്ചേൽപ്പിച്ചതായിരുന്നു...