വേനലിൽ കാറ്റിനൊപ്പം വന്നത്‌
കാട്ടു തീ, മഴക്ക്‌ കഴിഞ്ഞ്‌
കാറ്റിനൊപ്പം വന്നത്‌
വസന്തം, കവിത, കാട്ടുതേൻ..

വലകൾ

കാറ്റിന്റെ കയ്യിൽ മഴനൂലെന്ന പോലെ
എന്റെ കവിതകൾ എങ്ങോ മാഞ്ഞു കൊണ്ടിരുന്നു,
എങ്കിലും കുരുവിയെ കുടുക്കാൻ എട്ടുകാലിയെന്ന പോലെ
ഞാനെന്റെ വലകൾ നെയ്ത്‌ കൊണ്ടേയിരുന്നു..

നിന്റെ ചുണ്ടുകളെക്കുറിച്ച്‌,
നിന്റെ കണ്ണുകളെക്കുറിച്ച്‌
പറഞ്ഞു തീരില്ലെന്നതിനാൽ
ഞാൻ നീലാകാശത്തെക്കുറിച്ച്‌
കവിതയെഴുതുന്നു...