കല്ലറയിൽ നിന്ന് ഒരു വാടാമുല്ലയുടെ
വയലറ്റായി ഉയിർത്തെഴുന്നേറ്റ്‌
മരിച്ചിട്ടില്ലെന്ന് പറയുന്ന വാക്കുകൾ..
മഴയും, മിന്നലും ഒന്നിച്ച്‌ നോക്കിയിട്ടും
ജീവിപ്പിക്കാനല്ലാതെ കൊല്ലാൻ
കഴിഞ്ഞില്ലെന്ന് വീമ്പ്‌ പറഞ്ഞ്‌ കവിത..

തിരകളെല്ലാം എന്നിൽ നിന്നെന്ന് കരുതി
കടൽക്കരയിൽ ഞാൻ..
തിരകളെല്ലാം തന്നിൽ നിന്നെന്ന് കരുതി
എന്റെയരികിൽ കടൽ..

വറ്റി പോയൊരു വയൽ ഓർമ്മകളിൽ നനയുന്ന പോലെ, പഴയ കവിതകൾ
വീണ്ടും വായിക്കുന്ന ഞാൻ..