ഓർമ്മകൾ മയങ്ങി വീഴുന്ന സ്വപ്നങ്ങളിൽ
നിന്നെ ഞാൻ തിരഞ്ഞു.
നിശാഗന്ധി പൂത്ത രാത്രിയിൽ
നക്ഷത്രങ്ങൾക്കിടയിൽ നിന്നെ ഞാൻ തിരഞ്ഞു..
കടലിലും, തിരയിലും ആർത്തലക്കുന്ന മേഘമാലയിലും,
ചെംതീ ചൂടി നിൽക്കുന്ന പൂമരത്തിന്റെ ചില്ലയിലും,
കാട്ടിലും, കിളിയുടെ പാട്ടിലും തിരഞ്ഞു
മഴയുടെ മർമ്മരത്തിലും മനസ്സിൽ മഞ്ചാടി
വീണു മുളച്ച മണ്ണിലും നീ ഇല്ല...
എങ്കിലും എനിക്കു കാണാനാകാതെ
എവിടെയോ ഇരുന്നു നീ എന്റെ
ഹൃദയം കേൾക്കെ പാട്ടു മൂളുന്നു..