മാലാഖ

സന്ധ്യയുടെ ശോണിമ, നിലാവിൽ
ലയിപ്പിച്ച നിറമാണ്‌ നിന്റെ ചുണ്ടുകൾക്ക് ..
നീ അരികിൽ വരുമ്പോൾ ഞാനൊരു
മാലാഖയുടെ ചിറകടി കേട്ടിരുന്നു എന്നും..
നിന്റെ പിന്നിലെ ഒരു കാവൽ മാലാഖ-
യാണതെന്നു ഞാൻ കരുതി...
എങ്കിലും നിഴലുകൾക്കിടയിൽ നീയൊരു
പൂർണ്ണ ചന്ദ്രനെപ്പോൽ നിന്ന രാത്രിയിൽ
നിലാവിനെയും സന്ധ്യയും ഒന്നിച്ചു
രുചിക്കാൻ ഞാൻ തുനിഞ്ഞപ്പോൾ
കുതറി മാറുന്ന നിന്റെ തോളിൽ
ഞാൻ കണ്ടു, പിടയുന്ന രണ്ടു ചില്ലുചിറകുകൾ...