നിന്റെ മുന്നിൽ നിൽക്കുമ്പോഴാണു
എന്റെ കണ്ണുകളിൽപുല്ലും പൂമ്പാറ്റയും,
പൂമ്പാറ്റയിൽ നിന്നു മഴവില്ലും,
മഴവില്ലിനു ചുറ്റും ആകാശവും ഉണ്ടാകുന്നത്‌..

നിന്നെ കുറിച്ച്‌ ആലോചികുമ്പോഴാണു എന്റെ സ്വപ്നങ്ങളിൽ
പൂവും, പൂന്തേനും, ആയിരം വസന്തങ്ങളൂം, തേൻ കുടിച്ച്‌
മദിച്ച്‌ പാടുന്ന ചിറകു വെച്ച കവിതയും ഉണ്ടാകുന്നത്‌..
നിന്നെ പിരിഞ്ഞിരിക്കുമ്പോഴാണു എന്റെ രാത്രികളിൽ
ഇടിമിന്നലിന്റെ വൈദ്യുതിയും ചെകുത്താന്റെ
ചുവന്ന കണ്ണിലെ അഗ്നിയും എരിഞ്ഞു നീറുന്നത്‌...